Kɔnɔ ni kɔrɔtɛ ani boli ; maa bɛɛ jogo jugu maasiba ka bon i ma ni ninnu bɛɛ ye. Barisa ni fɛn fɔlen ninnu bɛ bɔ maa wɛrɛ yɔrɔ ka se i ma, jogo juguya de ye yɛrɛjuguya ye dɛrɛ.
Denba Fane
Ka bɔ Yarangabugu (Kolokani)

N’i ye maa min ye k’a fɔ ko : “ee, ne dun bɛ nin kɛ di !”, a ɲini k’a dɔn a yɛrɛ ye mun kɛ ka ko a latigɛ.
Aw m’a ye, takurun ɲɔnsɔnntan tɛ dɛrɛ !
Woloba Kulibali
Ka bɔ Npɛla (Kolokani)

Adamaden ma ɲi, barisa a n’a ɲɛgɛn bɛ tuma bɛɛ. Kami ye fɛnɲɛgɛn ye. O dɔnnen bɛ a yebaa bɛɛ fɛ. Nka, adamaden fana ye fɛnɲɛgɛn ye. O dɔnnen t’a dɔnbaa si fɛ. O de ye ale ka ɲɛgɛn kɛ fɛn jugu ye.
Burama Samake
Ka bɔ Nkɔrɔbugu (Welesebugu)