Ne ye Welesebugu dugumaa ye. N ye balikukalan kɛ an ka dugu kɔnɔ ani Welesebugu dugu wɛrɛw kɔnɔ. N ye waati jan kɛ o la, barisa n ye kalanko in sɛbɛ kɛ fo ka se san 1980 waatiw ma. Sisan, n sigilen bɛ Wɔlɔfɔbugu kin na baaradenya la. N bɛ sɛbɛn caman sɔrɔ k’olu kalan an ka bamanankan in na, n ka lafiya waatiw kɔnɔ. Jɛkabaara y’o sɛbɛn dɔ ye. Kosa in na, n ye kunnafoni dɔ sɔrɔ Jɛkabaara kɔnɔ min y’a to n y’a faamu ko an mako bɛ kunnafoni fɛn o fɛn na, Jɛkabaara maaw bɛ se k’o lasɔrɔ ka di an ma. O ye ko : Jɛkabaara bɛ ɛntɛrinɛti kan !. O kanma, n b’a fɛ Jɛkabaara sɛbɛnbagaw k’a fɔ an ye mun na Palɛstini (Larabuw) ni Isirayɛli (Banisirayila) bɛ ɲɔgɔn na sanga ni waati bɛɛ kɛlɛ daga kɔnɔ. N bɛ n ka dugumɔgɔw bɛɛ fo, n bɛ Tumani Yalam Sidibe n’a ka cɛdenw bɛɛ fo Jɛkabaara la.

Mamutu Buware
ka bɔ Wɔlɔbugu (Bamakɔ)