Mun fɛn kelen de bɛ adamaden sennin – fila ; bolonin-fila ; taamasenfilakan, bɔ dafɛn tɔw ma dɛ ? Olu minnu bɛ taa sen naani kan ; olu minnu ka bon, u ka jan, u ka girin ! Aa adamadenya dɛrɛ ! Mun fɛn lahala kanma adamaden bɛ dafɛn tɔw bɛɛ ni san cɛ ? O tɛ hakiliko ye wa ? Awa, hali adamadenw yɛrɛ danma bɛ ɲɔgɔn dan n’u hakili juru caanicogo de ye ka tɛmɛ ɲɔgɔn kan. Awa, a dan ye hakili ka adamaden dɔ jɛ dɔɔnin walima bɛrɛma, walasa o ka bɔ adamadenya sara kɔnɔ. Aw m’a ye, maaya tɛ yen hakili kɔ dɛrɛ. Hakilima de bɛ minɛcogo sɔrɔ diɲɛnatigɛ taabolo bɛɛ la. Nka, diɲɛnatigɛ gɛlɛyanin si tɛ fiɲɛ bilabali to adamaden hakikilintan na. Maaya ye hakiliko ye dɛrɛ. N’i taara bɛnbaliya sɔrɔ maa fila ni ɲɔgɔn cɛ ; fadenw bɛ ɲɔgɔn labila ; badenw bɛ ɲɔgɔn juguya ; balimaw bɛ ɲɔgɔn silatunu, o bɛɛ ju sigilen bɛ mun kan hakilintanya kɔ ? Nɔntɛ diɲɛntigɛ fɛrɛ bɛ kuntilenna wɛrɛ di hakilitigi ma min tɛ bɛnbaliyako ye wɔ !

Tumani Yalam Sidibe