2005-2006 baarasan na, Buguni cikɛmara kɔɔrisɛnɛna-jɛkulu (AW ; APA ; CPC) hakɛ kuuru bɛ 1297 de la. O b’a jira ko ni o sangara 2004-2005 baarasan hakɛw ma, a bɛ sankɔrɔta ni 2% de ye. O sababu bɛ bɔ jɛkuluw cili de la ka dɔwɛrɛ bɔ a kɔnɔ (ekilatiman).
Sanni “PASE” baarabolo sen ka don baara la, taabolo tun bɛ CMDT bolo ka AW ni APC bayɛlɛma ka kɛ koperatifuw (CPC) ye. O baara tun lahala bɛ 2004- 2005 baarasan daminɛ, fo ka na se 2005 san marisikalo labanwaati ma.

“PASE” baarabolo ye CMDT jɔyɔrɔ ta k’a daminɛ 2005 san awirilikalo la. O siratɛgɛ la, “PASE” ye baarakɛbaga duuru (5) ta, jɛkuluw sigili kanma sen kan, an’a dɔw bayɛlɛmani ka se jɛkulu (Aw ; APC ; CPC) 150 labɛnni ma, baarakɛla kelen kelen bɛɛ fɛ, kalo saba kɔnɔ, n’o ye san 2005 awirilikalo ; mɛkalo ani zuwɛnkalo ye. CPC sigili baara taabolo dantigɛsɛbɛnw kɛra sɛkitɛriw bɛɛ kɔnɔ ni CMDT ka dɛmɛ ye, ka ɲɛsin baarakɛlaw ma.

II - CPC hakɛ sigilen sen kan, ka se san 2005 Zuluyekalo tile 21 ma
a) Baarakɛla kelen kelen ka CPC sigilen sen kan.
O ye jatew ye minnu bɛ tali kɛ Buguni kalanfa ka sɛbɛn kɔnɔko la. Ale ni siratɛgɛ (b), bɛɛ bɛ lahala kelen na, n’o ye CMDT ka dɛmɛ ye ka ɲɛsin “PASE” ma.

N’an y’o sɛbɛn kɔnɔkow lajɛ, an bɛ t’a sɔrɔ ko CPC 621 de sigilen bɛ sen kan, ka se bi ma, Buguni CMDT mara kɔnɔ. Tɔ min ka kan ka sigi sen kan walasa ka hakɛ 646 sɔrɔ, o ye 25 ye.
Baara in bɛɛ bɛ kɛ « PASE » fɛ ni CMDT da dɛmɛ ye. Awa, an k’a dɔn fana ko CPC fila sera ka sigi sen kan Dogo ka da Buguni mara Siwaki (Syvac) peresidan ka dɛmɛ barika kan. O kɛra baarakɛla ni CMDT cɛdenw ka jɔyɔrɔfa kɔ. An kan bɛ fɛnɛfɛnɛ (n’o ye kondo bugufiyɛ ye Nani ZPA kɔnɔ) ani Tona (Tabakɔrɔ bugufiyɛ dɔ, Banko ZPA kɔnɔ) de ma. O kanma, o koperatifuw jate ma ta CPC hakɛ dilen fɛ.

Nin ye Buguni kalanfakuntigi
(C/SFAOP) Lasana Ba ka sebɛn
kɔnɔko ɲɛnatɔmɔnen ye
Tumani Yalam Sidibe fɛ.
A tɔ bɛ bɔko nata kɔnɔ.