Nsonw taara bin Kucala waribilaso kan k’a da kari ka sefawari dɔrɔmɛ miliyɔn 1 ɲɔgɔnna ta ka tɛmɛ n’o ye. Nin b’a jira ko lakana ma sabati sanujɛdugu Kucala kɔnɔ hali dɔɔnin.

Dɔkɔkun 3 furancɛ la, lakanabaliya kɛra sababu ye binkannikɛlaw ka tiɲɛni kɛ Kucala. Kɔsa in na, u ye dankari Kucala waribilaso “pɛrisɛpisɔn” na Darisalamu Kucala kin dɔ. U kɛlen ka yɔrɔkɔsila sɛbɛkɔrɔ dasi, walejugukala ninnu sɔrɔla ka don birow kɔnɔ k’u narawuli sanni u ka waribilakɛsu ta ka taa n’o ye sefawari miliyɔn 1 tun bɛ min kɔnɔ, ani warimisɛn caman maa si ma min hakɛ dɔn. Waleya in bɛɛ kɛra yɔrɔkɔlɔsila ɲɛna, n’ k’a ma se ka nsonkɛ 3 ninnu bugunnatigi dɔn cogoya si la. Maa bolilen ninnu bɛ ka ɲini Kucala polosiw fɛ. Kabini samiɲɛ daminɛ, dali bɛ miɲankala faaba maaw ma, n ka sunɔgɔ t’u ye k’a sababu kɛ walejugukɛlaw ka walejugukɛ barika bonyako jugu ye. Foroba cakɛda ni hadamadenw siyɔrɔ bɛ ka narawuli su ni tile walejugukɛlaw fɛ.

A dɔgɔkun fila ye nin ye, sanji misɛnnin kɔrɔ, u taara Mali kɛnyɛrɛye Arajosow n’a televisɔnsow baarakɛlaw ka jɛkuluba ɲɛmaa muso ka moto ni mankɔrɔnindilan mansin ta ka tɛmɛ n’o ye bitikitigi caman taara a ka nisɔngoya jira polosiso la k’a jira ko maa minnu tɛmɛna u ka yɔrɔ la.
Salon, nin waati kelen na Kucala nson dɔw taara yen, minnu taara ni nsonyani fɛɛrɛ kura ye.
Ka d’a kan, maa ninnu tun b’u ka nsonyani kɛ ni mɔbili ye sufɛlan na. Olu ta tun bɛ u ni magasɛnbaw ni bitikibaw cɛ. U tun bɛ so tɔli tigɛ ka don o wo fɛ k’u ka mɔbili toyota fa tewu minɛn nafamaw dama la ka sɔrɔ ka taa n’o ye.

An ye nin kunnafoni sɔrɔ ka bɔ “Les Echo » kunnafonisɛbɛn kɔnɔ, a ka don n’a dugujɛ bɔta 2555 nan ntɛnɛn utikalo tile 22, san 2005, Sidiki Danbele n’u ko Yusufu ka sɛbɛnni don.

A bayɛlɛmɛbaga bamanakan na : Yusufu Fane