Ka bɔ Bamakɔ, k’i kunda Buguni kan walasa ka se yanfoyila, o sira telin ye Sikaso sira ye. Sido bɛ welesebugu ni Buguni cɛ, ka tɛngun kosɛbɛ Buguni na. CMDT ka cikɛda dɔ don. O b’a jira k’a sigibagaw ye cikɛlaw de ye, jama fanbako siratigɛ la. Kɔɔri sɛnɛkɔfɛ, sidokaw ye barika don fana ɲɔsɛnɛ ; kabasɛnɛ, tigasɛnɛ ; gerekanmalosɛnɛ ani sɛnɛfɛn wɛrɛw cikɛli la. Sidokaw ma kalanko yɛrɛ fana kɛ bolokɔfɛko ye. Balikukalan ye sanga sɔrɔ a waati la Sido. Fɛn min ye lakɔliso ye, o fana kalansow bɛ yan denmisɛnw kanma. An ka mɛriw si ma o ko kɛ bolokɔfɛko ye. Fɛn min ye samiɲɛ taabolo ye, o ka ɲi kosɛbɛ. N’a ka labannan nin cogo la, a ka ca Ala fɛ, ɲinan samiɲɛ bɛ kofɔ sanjiba nali sanw fɛ.

Ladalako siratigɛ la, Sidokaw ma adamadenya mabɛnsirako kɛ bolokɔfɛko ye. Anw ye bamananw ye ka caya yan : kulibaliw ; Trawelew ani jaraw. Fuladuw fana bɛ yan. Denmisɛnw ka siginɛgɛkɔrɔ ani furaciw, ni musomaninɛw ani kɔɲɔkow bɛ k’an bara yan i n’a fɔ a bɛ kɛ bamanandugu tɔw kɔnɔ cogo min.
Ne bɛ jɛkabaara kalan ka bi waati jan CMDT ka bolo fɛ. Ala k’a ko taa ɲɛ k’an sɔɔnin.

Tijani kulibali
Ka bɔ Sido (Buguni)