Karidon, san 2005 utikalo tile 14, kɛra gintanbadonw ye Mali kɔnɔ, ntolatan siratɛgɛ la. Kayi mara ; Kulikoro mara ; Sikaso mara ani Bamako galodugu, nin yɔrɔ naani bɛɛ kɛra ntolatan fɛlɛbɔyɔrɔw ye nin don in.
Ntolatan ninnu tun bɛ don Mali ntolatan kupuba ¬ana-naani ɲini de kadara kɔnɔ.
Bamakɔ, Joliba tɔnjɛkulu ni Mɔti Debo tɔnjɛkulu tun kɔgɔ bɛ ɲɔgɔn na ; Kulikɔrɔ, Ɲanan tɔnjɛkulu ni Stade (sitadi) tɔnjɛkulu tun bɛ ɲɔgɔnna ; Kayikaw bara, Sigi ni USFAS ye ɲɔgɔn kunbɛn.
Ntolatan ninnu bɛɛ daminɛra waati kelen na, n’o ye wulatilejan ye. Awa, a ko kɛra sorobaɲagami dan ye. Ntola ninnu tanna a ɲɛma a tanbaaw fɛ dakun bɛɛ la. O nana ni balanakow ye dɛrɛ. O misali girin ye Joliba ka « penaliti » jɛli ye Debo ka daga kɔnɔ, waati 68 nan na. Joliba ye Debo dasi ni kuru 2 ni 0 ye. O bɛɛ donna penaliti de senfɛ. U ye penaliti sabanan de kuru jɛ. Fɛn min ye Kulikorokaw bara ye, sɛgɛnnafiɲɛbɔ waati ye a sɔrɔ ASB cɛdenw bɛ Ɲanan cɛdenw kan ni kuru fila ni gansan ye. O kuruko ma tɛmɛ o dakun kan, barisa sɛgɛnnafiɲɛbɔ waati kɛra o ɲɔgɔnkunbɛn bannen ye. Ntolatan kɔlɔsibagaw (aribitiriw) ma sɔn ka ye kɛnɛ kan belen, barisa u ko k’u ka lakana sabatilen tɛ ka da kɛnɛkan jama ka dusufunteni walew kan. Fu sirila o ntolatan dan na ka kɔn sanga 90 hakɛ ɲɛ. Yali seginkan ntolatan bɛna boloda ko kura Ɲanan ni ASB cɛ wa, walima a ko setigiya bɛna to USFAS ta la ? Waati nataw la, Mali ntolatan federasɔnba de bɛna an bɔ kunpan na o la.

Sikasokaw bara, Tata ye galo jira Stade la, hali n’a labanna sara jugu cɛbagaya la. Tata tun Stade de bɛ Mali ntolatantɔn-¬anaya ɲinibaaw ɲɛkun na bi, ka sɔrɔ Tata bɛ jɔyɔrɔ kɔnɔntɔnya la. Fo ka se ntolatan kuncɛwaati ma sanga 90 kɔ fɛ, Tata tun ye Stade galabu lakari ni kuru 1 ani kuru 1 ye, Babɛnba tɔgɔla ntolacikɛnɛ kan Sikaso. Ntolatan in kelenpe de taara ɲɛfɛ ni sanga 30 farankan ye. Tiɲɛ don, o farankanwaatiw laban yɛrɛ la, Stade ye balanakuru kelen sɔrɔ Tata kun. Ko labanna o kan : Stade ka kuru 2 ; Tata ka kuru 1.

Nin don kelen in na, an tun bɛ se ka Mali ntolatan kupuba tanko 45 nan ¬ana naani sɔrɔtaw ye kɛnɛ kan. Nka barasan min donna Ɲanan ni USFAS ka ɲɔgɔnkunbɛn na Kulikoro, o b’a to an ka makɔnɔni kɛ o setigi dɔnko la, walasa k’a dɔn Ɲanan ni ASB min bɛna kɛ tɔn ¬ana ye ka Joliba ni USFAS ani Stade dafa.
An k’a dɔn ko hali ni Sigi ni USFAS ka ɲɔgɔnkunbɛn kɛra gɛlɛyakow ye Kayi, a kɔni kuncɛra USFAS ka setigiya kan ni kuru 2 ni fu ye ka taa Sigi juguya la.

Ntolatan jaabiw
Bamakɔ :

• Joliba – Debo : kuru 2 ni fu
  • Kulikoro :
• Ɲanan – ASB : kuru 0 ni 2 (o ma kuncɛ)
  • Sikaso :
  • Stade – Tata : kuru 2 ni 1
  • Kayi :
  • Sigi – USFAS : kuru 2 ni

An bɛ a jira aw la ko Joliba tɔnjɛkulu de ye san 2004 ¬anaya jɔyɔrɔ ta ani Mali ntolatan kupuba. Nka, ɲinan, kow bɛ ka taa cogo wɛrɛ la a bolo. Fɛn min ye Mali tɔn¬anaya ye, a b’o jɔyɔrɔ naaninan de la COB ni Stade ani Real (Ereyali) kɔfɛ. A kɛli k’a yɛrɛ sɔrɔ o ɲɛfɛ dakun na, o bɛ bala maa la. Ɲinan, Joliba bɛ se k’i dusu da Mali ntolatan kupuba de sɔrɔli kan, barisa tankoda kelen bɛ an n’o ¬anasugandi ntolatan cɛ, n’o ye ¬ana-fila-sugandi kɛnɛ ye.
An bɛ san 2005 tɔn¬anaya ɲinini jɔyɔrɔw katimu di aw ma duguma, walasa aw ka hakilina sɔrɔ kunbɛnda fila bɛɛ kan : «Mali Kupuba » ani « sanpiɲɔnna » (Mali ntolatan kupuba ani Mali ntolatantɔn ¬ana).

Mali tɔn¬ana-ɲinikɛnɛw jɔyɔrɔw tile 23 nan kɔfɛ :

• Fɔlɔ : Stade : kuru 55 b’a bolo
• Filanan : COB : kuru 51 b’a bolo
• Sabanan : Real (Ereyali) : kuru 38 b’a bolo
• Naaninna : Joliba : kuru 38 b’a bolo
• Duurunan : ASB : kuru 37 b’a bolo
• Wɔɔrɔnan : Ɲanan : kuru 35 b’a bolo
• Wolonwulanan : CSK : kuru 33 b’a bolo
• Seeginnan : komini de : kuru 30 b’a bolo
• Kɔnɔntɔnnan : Tata : kuru 21 b’a bolo
• Tanna : USFAS : kuru 21 b’a bolo
• Tani ni kelennan : Debo : kuru 20 b’a bolo
• Tani ni filanan : Bitɔn : kuru 20 b’a bolo
• Tani ni sabanan : Sigi : kuru 19 b’a bolo
• Tan ni naaninan : Mande : kuru 17 b’a bolo

Kɔlɔsiliw :
I – Jɔyɔrɔw : dɔbɔ ni farankan hakew de bɛ jateden-kelentigiw bɔ ɲɔgɔnna, i n’a fɔ Joliba ni Ereyali).
II – Waatiw : Karidon, utikalo tile 21, ¬ana-ɲini ntolatanw wiliko tile 25 nan kɛra. O don, stade ye a ka san 2005 ¬anaya tɔgɔ ta ni ɲanan dasili ye ni kuru 3 ni gansan ye. Hali ni tile 26 nan bɛna kɛ, tɔn tɛ Mali kɔnɔ belen min bɛ stade lasɔrɔ kuru la. Ale ye San 2005 Mali ntolatantɔn ¬ana ye.
Boko nata kɔnɔ, an bɛna kuma aw ye tile 24 nan ni tile 25 nan ani tile 26 nan kan.

Fɛn min ye Mali jamana ntolatan kupuba ye, o ¬ana-fila-ɲini ntolatanw kɛra Bamakɔ, « sitadi ominisipɔru Modibo Keyita » la karidon, utikalo tile 28. O senfɛ, bɛnko fɔlɔ la, ASB tɔn ye stade dasi ni kuru 2 ni 1 ye. Joliba fana ye a sako don kayikaw ka sigi la ni kuru 2 ni gansan ye. O b’a jira ko ASB tɔn ni joliba tɔn de bɛna u kɔgɔ da ɲɔgɔn na ¬ana sugandikɛnɛ kan Badenba tɔgɔla ntolatankɛnɛ kan Sikaso, sɛtanbukalo in tile 22.
Bɔko nata kɔnɔ, aw bɛnɔ kunnafoni dafalenw sɔrɔ ¬anatɔn kan ani kupu di Mali tabaga. K’an bɛn.

Tumani Yalam Sidibe