Baara o baara ni adamaden b’a kɛ, f’i k’a ɲini k’i yɛrɛ dɛmɛ ni fɛɛrɛ ye. O hukumu kɔnɔ, Bangumana jabasɛnɛnaw ye fɛɛrɛ fara u bolo kan jabasɛnɛ na.

Nin ye bataki ye min bɔra Zumana Konate yɔrɔ ka bɔ Bangumana. N ka kuma bɛ ɲɛsin jabako kunnafoni de ma. Fɔlɔ, an tun bɛ jaba makɛ nowanburukalo la. Nka sisan, an ye yɛlɛma don o la k’a makɛ Utikalo tile 15 kɔnɔna na. An b’a baara kɛ nin cogo la : An bɛ gɛlɛ jɔ, ka bɔgɔ k’o sanfɛ ka sɔrɔ ka jaba makɛ o kan. Ni sanji bɛ na, an bɛ mana fɛsɛn a kunna walasa sanji kana a gosi. No kɛra, a bɛ tiɲɛ. O tɛmɛnen kɔ, i kan’a to tile ka bɔ ka sɔrɔ mana b’a kunna, n’o tɛ a bɛ tiɲɛ fana.

N’i y’a ye an bɛ jaba makɛ sanfɛ, a kun tɛ dowɛrɛ ye an ka jaba kunfɔlɔ sɔrɔ. Ka d’a kan, o nafa de ka bon ka tɛmɛ jaba kɔsa kan. Buwati fitinin min ye garamu 500 ye, n’o ye kunfɔlɔ sɔrɔ, i bɛ se ka tɔni 1, walima tɔni 1 ni kilo 200 sɔrɔ o la. O tuma n badew, n bɛ nin kunnafoni kɛ bataki ye ka lase jabasɛnɛna bɛɛ ma, u k’a dɔn ko nafolo tɛ sɔrɔ timinandiya kɔ.

Zumana Kunatɛ ka bɔ Bangumana,
N’o ye yɛrɛmara kafo ye min bɛ Kati kubeda fɛ