Adamaden ka diɲɛsosigi kɔnɔna na, n’i ma jugu sɔrɔ i yɛrɛ la, i ka diɲɛnatigɛ m’a kun bɔ.
Maɲinin Hayidara
arajo “Libɛrite”, Bamako

Maa t’a dɔn ko sunɔgɔ ɲɔgɔn daamu tɛ, fo ni diyagoya ɲɛmatifɛ kuntaala jan y’i bila kelenna miiri la i sidilan kan.
Woropiɲɛn Sanogo
ka bɔ Sikaso

Juguya ye adamadenya taabolo dɔ ye. Maa kɛra cogo o cogo, maa wɛrɛ juguya b’i la gansan, i fana juguya bɛ maa wɛrɛ la gansan. Min kafisa o la, o ye ala ka bɛɛ kisi jugu sakoya ma.
Moriba Fɔnba
ka bɔ Nzirabilenkɔrɔ (Kolokani)

Ala tɔgɔ bɛrɛbɛrɛ, aw b’o dɔn wa ? O ye “bɛɛ damasa” ye. A jamu lakika dun, aw t’o fana dɔn. Awa n b’o fɔ aw ye. O ye “bɛɛ fagamasa” ye.
Molobali Trawele
dɔnkilidala ka bɔ Masina

N tɛ to dun n fadenkɛbara, o ye kɔngɔ nabilya ye dɛrɛ. Ni kɔngɔ nana, tala tɛ, bilata tɛ, i bɛ basi dun a bara !
Jeli Seyiba Lamini Sisɔkɔ
Maanabɔla, Bamako