Mali cɛdenw ye “UFOA” ntolatan kupuba dako fɔlɔ yalon, n’o ye farafinna tilebinyanfanfɛ jamana naani jɛkupu ye. O ntolatanw kɛra Bamako, k’a ta san 2005 feburuyekalo tile 24 na ka t’a kuncɛ a tile 27 la. |ana-sugandikɛnɛ kan, Mali bɔn-kamalenw y’u wasa don a ɲɛma, Nizeriya bɔn-kamalen saramaw la ni kuru 3 ni 0 ye. O ɲɔgɔn tun ma deli ka kɛ Mali cɛdenw fɛ fɔlɔ Nizeriya cɛdenw kan. Awa, nin y’a siɲɛ fɔlɔ ye, Mali cɛdenw ka kɔfɛ kupu yalon, Afriki yanfanfɛbolo kan.

Kupuba in ɲinni ntolatanw daminɛna san 2005 feburuyekalo tile 24. A daminɛna ni ¬ana-naani-sugandikɛnɛ ye. O senfɛ, Nizeiya bɔn-kamalen saraaw ye Senegali warabaw dasi ni kuru 1 ni 0 ye. O kɔfɛ, Mali bɔn-kamalenw fana ye Kɔdɔwari cɛdenw dasi ni kuru 2 ni 1 ye. Bɛɛ b’a dɔn ko Kɔdɔwari samaw de ye Mali cɛdenw ka fɛnjugu ye sanga ni waati bɛɛ.
Awa, nin sen in na fana, ntolatan wuliko fɔlɔ waati bɛɛ kɛra Mali ntolatan kanubagaw ka jɔrɛ kɔnɔ, barisa, Kɔdɔwari tun b’u kan ni kuru ye. Sɛgɛnnafiɲɛbɔ bannen kɔ, Mali cɛdenw degekaramɔgɔ Mori Goyita ye yɛlɛma don cɛdenw lahala la. O de y’a to Lasinɛ Bɛrite ni Sulemani Danbele ka Kɔdɔwarikaw ka kuru bɔ, ani ka Mali ka kuru dafa 2 la, kasɔrɔ Kɔdɔwarikaw bɛ 1 na. O sebaaya sɔrɔlen Kɔdɔwarikaw, o y’a to Mali ka na ¬ana-sigandi-kɛnɛ kan ni hakililatigɛ ye, san 2005 feburuyekalo tile 27.
Mali cɛdenw ye Nizeriyakaw bali cogo bɛɛ la ka labɛn k’u cɛman cɛ daga kɔnɔ. O de kanma, ka bi ntolatan daminɛ, Mali cɛdenw ye kɛlɛ fari da, ka Nizeriyakaw yɛrɛɲini na. O taabolo fisayara, barisa, ka bi sanga 9 nan na, Lasinɛ Bɛrite ye Mali ka kuru fɔlɔ don. Sanga naani (4) dɔrɔn o kɔfɛ, Sulemani Danbele ye Mali ka kuru dafa 2 la. Nizeriyakaw jigilatigɛlen de y’a ɲini sa k’u bɛna Mali ka kuruw bɔ. Nka, Mali cɛdenw tun ye kɛnɛ bɛɛ k’u ta ye. Sɛgɛnnafinɲɛbɔ kɛra ka Mali to Nizeriya kan hali bi, ni kuuru 2 ni 0 ye.
Sɛgɛnnafinɲɛbɔ kɔfɛ, Nizeriyakaw ye wulikajɔ caya ntola nɔfɛ. Nk’o ma Mali bɔn-kamalenw bɔ u ja kan.
Mali cɛden Sulemani Danbele bɛna ko t’o taabolo yɛrɛ de kan ka dɔ fara Mali ka kuru kan, k’a kɛ 3 ni 0 ye.
O b’ale kɛ ɲɔgɔnkunbɛn in kuru-fila-donbaga ¬ana fɔlɔ ye. Kuru 3 ni 0, o kɛra ko tiɲɛnen ye Nizerikaw bolo. Mali bɔn-kamalenw tun bɛ se sa ka nisɔndiya n’u ka setigiya sɔrɔli ye Nizeriyakaw kan, barisa o tɛ ladalako ye !
Kɔdɔwari kɔfɛ, Mali cɛdenw ye setigiya sɔrɔ u ka fɛnjugutɔn filanan kan, Afriki tilebinbolo jamanaw kɔnɔ, n’o ye Nizeriya ye.
An hakili b’a la, ko Afriki ntolatandenmisɛnw ka san 2005, Benɛn ɲɔgɔnkunbɛn senfɛ, Nizeriya cɛdenw tun y’a da to kojugu kɛ Mali cɛdenw la ni kuru 3 ni 1 ye. San kelen sanni o cɛ, Nizeriya bɔn-kamalen saramaw de tun ye Mali bɔn-kamalenw bali Afriki ntolatan kupuba jɔyɔrɔ sabanan na, Tinizi, san 2004. O senfɛ, Nizeriya ye setigiya sɔrɔ Mali cɛdenw kan ni kuru 1 ni 0 ye. Tajurusara in kɛlen, o y’a to Mali k’a ka farafinna yanfɛbolo kupuba yalonko fɔlɔ kɛ.
Yali sen kura donna “UFOA” kɔrɔ wa ?
Bamako ɲɔgɔnkunbɛn kɛra sababu ye ka sen kura don “UFOA” ntolatan kadara la. Nin ɲɔgɔnkunbɛn fɔlɔ kɛra sababu ye ka “sokɔnɔ” ntolatan cɛdenw kunbɔ kɛnɛ kan, ani ka ntolatan kɔnɔ ɲɔgɔnbonya sankɔrɔta, i n’a fɔ “UFOA” ɲɛmaaba Anuma y’a jira cogo min na ¬anabɛn kɛnɛ dugusɛ jɛ, “Bamako ɲɔgɔnkunbɛn kɛra sababu ye ka senkura don UFOA ntolatan kɔrɔ. Jamana 16 de bɛ “UFOA” kadara kɔnɔ, Afriki tilebinyanfanbolo kan. A ko in daminɛna san 1975…
I n’a fɔ “UFOA” ɲɛmaaw y’a jira cogo min na, nin bɛna kɛ a ntolatanw kɛli ye ka ɲɛ kura sɔrɔ.
N’i y’a ye Bamako “UFOA” ka ɲɔgɔnkunbɛn ye sira sɔrɔ, o kɛra ka da Mali ni Kɔdɔwari jamanakuntigiw de ka laɲini kan. Jamana naani de yera a kɛnɛ kan, n’olu ye : Kɔdɔwari ; Mali ; Nizeriya ani Senegali ye.
- jɔyɔrɔ fɔlɔ kɛra Mali ye.
- jɔyɔrɔ filanan kɛra Nizeriya ye
- jɔyɔrɔ sabanan kɛra Senegali ye
- jɔyɔrɔ naaninan kɛra Kɔdɔwari ye.
Denmisɛnw ye sira jira nin ye u kɔrɔw la, olu minnu bɛ Afriki kupuba lasɔrɔli laɲii na, min bɛna kɛ Eziputi san 2006. Degebaga kura sɔrɔla u fɛ o kanma, n’o ye Faransika Piyɛri Lesantiri ye.
Musa Boli
Bayɛlɛmabaga : Tumani Yalam Sidibe